Sma' Balak, by CHEB

Sma' Balak

by CHEB

supported by

masterpiece ❤

moulparasolate This is what pure moroccan creativity look like. Favorite track: Ajmal Balad Fi Al Alam.

marchivemind Cheb is simply one of the most talented and exciting musicians in the world right now. You need this and the other recordings he's put here on Bandcamp. Read this interview (starts page 98) to find out more:
maggotbrain.s3.us-east-2.amazonaws.com/maggot_brain_summer2020_online.pdf
Favorite track: Ajmal Balad Fi Al Alam.

Jeff Economy / Snackpoint Charlie Radio thumbnail

	/

Streaming + Download

Includes unlimited streaming via the free Bandcamp app, plus high-quality download in MP3, FLAC and more.

Purchasable with gift card

€1 EUR or more

1.	Reklam 06:18	lyrics	buy track
العزلة عزلة الفرصة مناسبة الرّيكلام دابا المتاوية بلاتي شقلبها و هبش سيداتي سادتي شوفوها فالشمش ألوان الباش كذّابة سلعة د العشّاقة فجُوطيكْس سوّاقي ڤونݣارد و عتّاقي للطّبلة من البالة آجي تعالى قبل لا يتسالى بّات ولاد علي ماسميتوش علي غا مرشوش ذهب الفوق و هو جالوق وا تعالى، للطبلة من البالة وا تعالى، تعالى قبل ما يتسالى خمار و لحية فالراس كي روندا فْاللّاص كي سپيسيال كي ماء زهر ياك الجّاج اخضر وا تعالى، للطبلة من البالة وا تعالى، تعالى قبل ما يتسالى كون ما السينما كون رانا بهيمة وا عباس كياروستمي و راه من ليزامي وا تعالى، للطبلة من البالة وا تعالى، تعالى قبل ما يتسالى شطح و هز البوط و ماسوق تا زعطوط اولايلاه ولايلاه عينو فالعلّاقة اولايلاه ولايلاه و پياستو فالعرّام اولايلاه ولايلاه الجوقة جوّاقة قلة الفضول حرام فدين الذوّاقة آ ينعل بو اللعاقة، للي ما شرا يتنزّه بدا يميّل غا بالريط تا خشانا فالحيط سقسيو مول الموطور كنت راكب اللور وا تعالى، للطبلة من البالة وا تعالى، تعالى قبل ما يتسالى للي موالف الذل جامي يتبدل ما شرفا ما رعايا حنا ولاد هنايا وا تعالى، للطبلة من البالة وا تعالى، تعالى قبل ما يتسالى تايكون قطيب اللوز و نخلّيوه يدوز اولايلاه ولايلاه عينو فالعلّاقة اولايلاه ولايلاه و پياستو فالعرّام اولايلاه ولايلاه الجوقة جوّاقة قلة الفضول حرام فدين الذوّاقة آ ينعل بو اللعاقة، للي ما شرا يتنزّه العزلة عزلة الفرصة مناسبة الرّيكلام دابا المتاوية بلاتي شقلبها و هبش سيداتي سادتي شوفوها فالشمش ألوان الباش كذّابة سلعة د العشّاقة فجُوطيكْس سوّاقي ڤونݣارد و عتّاقي للطّبلة من البالة آجي تعالى قبل لا يتسالى أهاه هاه
2.	Fi Tabi'atin Ma 04:04	lyrics	buy track
في طبيعة ما نتي ممغطة فالربيع و انا نلݣط فالبلوط نسهى فكي كايجري الما و في طبيعة ما نتي ممغطة فالربيع و انا نلݣط فالبلوط بقاي مبحلقة فالسما و الشمش مبوݣصة و حنينة آ خاي الريح هنينا خليك غي بالهداوة تسوط بلا عجاج و بلا روينة وا الزين! تفكري الناس الملاح للي مشاو و ماخلاو مايتسال من غير نكهة فالبال بنينة وا الزين دابا يطيحو برياح اللوجيك نهار يذوقو من كاسو سيك يجيو يسحاو فجنبينا و جيتي ما جيتي رجلينا طوالو طوالي طوالي ݣرجة و شادينها طوالة و كلشي ماشي و يشالي العݣبة تنادي باقي شي جهد ولا والو سوفلي شمر و بالي. نساي العياشة و الخواشة و الغشاشة و ݣاع هادوك نساي الموضة و ݣاع الحموضة و ݣاع القرودة صحاب الباروك. وا الزين! و في رواية أخرى تخايلت حب و تبن و ذرة ما كاينة لا نتي لا هوما لا طبيعة لا مجرى و الشمش كاشفة و حزينة وانا فبيتي فالمدينة حاولت غي على دوايا نصوم ما بغيت نشرب الكينة كي الزيت! تقولب الما و تطلع الفوق تطلع الفوق هلاوس دايرة للحقيقة قوق و ليا تبلبيلة وا شيت! غايتفرݣع راسي غانتصنݣع و غانرݣع تا غانعݣر الخيط يتزعزع نتبجع نتفعفع و نطيح و باقا الطريق طويلة و جيتي ما جيتي رجليا طوالو طوالي طوالي ݣرجة و شادها طوالة و بوحدي غادي و نشالي العݣبة تنادي باقي شي جهد ولا والو؟ سوفلي، شمر و بالي نسا العياشة و الخواشة و الغشاشة و ݣاع هادوك نسا الموضة و ݣاع الحموضة و ݣاع القرودة صحاب الباروك. وا الزين! كي الزيت! وا شيت
3.	Dwaqa Wlla... Ghellaqa? 04:12	lyrics	buy track
هي لعبة و كانلعبها قبالة الناس و كاتشربها غي كون هاني الفرصة تجي هيلا هيلا الغاية تبرر الوسيلة و ديما قاني ايه اقبح من زلّة عذْرك مفهوم و لكن شلا.. مادرتي. تموت نتا وانا مالي و يعيشو احلامي فالتالي و مانجيش ثاني اِيلا لݣيتها غاندّيها غانزهقها يطيرو بيها رزق و جاني ايه فرق ترابي عذرك بغرير كلو تقابي. ذوّاقة ولا غلّاقة؟ و شحال طوطحنا فاٌسواقو ما ولينا شنّاقة ذوّاقة ولا غلّاقة؟ و شحال دهشرنا زواقو و ما ركبتنا الفياقة و باقا غاتدّار بيا منك بزاف هوما و فعينك انا دمدومة و بلاني ما بلانش طريق طويلة هي شبعانة ركايز مردومة خطيني من زكاير محكومة بلواه ݣال و ما ݣالش الليل الليل الليل الليل الليل الليل الليل خلّا التناوي حيّة بشوية خلي البساط أحمدي هي هي و فيك و فيا اللعب جاي و غادي بشوية عليا و بشوية خلّي البساط أحمدي هي هي تارة جاي تارة غادي و تقولبني فالظلمة نلبقك فالصبحية و باقا غاتدّار بيا منك بزاف هوما و فعينك انا دمدومة و بلاني ما بلانش طريق طويلة هي شبعانة ركايز مردومة خطيني من زكاير محكومة بلواه ݣال و ما ݣالش ذواقة ولا غلاقة؟ و شحال طوطحنا فاسواقو ما ولينا شنّاقة ذوّاقة ولا غلّاقة؟ و شحال دهشرنا زواقو و ما ركبتنا العياقة هي لعبة و كايلعبها غي كون هاني
4.	Scandale 03:48	lyrics	buy track
تفاؤلك ݣمطو فكاشا د النمر سير جبد الصبر تيقني هو للي غا تحتاج ولا بقا معفر منقز سطر انا غا داوي ماشي ديپاناج و أصلا ريي... ممسوح بالݣومة مضروب بموس فيه الثومة و ايلا جاك الخرا حشومة لاش قابل تعيش فيه.. من حقك تكون دمدومة كا تمش فعظم الحكومة و اللحم كامل و الݣرمومة را فديك الجيه... وا بغيه ولا كرهيه أنا صحة نشطح عليه.. مللي حاكمينا هادو مانشدوش للي زادو واخا نكونو ݣروج نطنزو عليهم و مالو بهيبتهم و والو صغار فعينينا بجوج شدوني عليهم لا ندير سكونضال أ ما ما... و الناس باقا مضروبة بفردي خاوي مرعوبة من كلمة ولا جوج را الحجرة ديجا معضوضة و المساحة محدودة داكشي لاش طحنا فالروج شدوني عليهم لا ندير سكونضال أ ما ما... وا شدوني عليهم لا ندير سكونضال أ ما ماااا. و صبرك صرفو غي بالحيلة، الايام طويلة تحتاجو فشي موقف حمار. لا تمرض الليلة، تجي الموت پـيلا و تجيك الاسعاف روطار. و أصلا ريي... مركول برجل الشاف مزروط و جامعاه لاراف و ايلا جاك المخزن ظراف سير اللايلݣيك ليه غاتدور... غايشور غاتهور... غاينور غاتعبر... غايفور بلا مانعمم فيه و فيه و بغيه ولا كرهيه تانا را كانصرف عليه... مللي حاكمينا هادو مانشدوش للي زادو واخا نكونو ݣروج نطنزو عليهم و مالو بهيبتهم و والو صغار فعينينا بجوج شدوني عليهم لا ندير سكونضال أ ما ما... و الناس باقا مضروبة بفردي خاوي مرعوبة من كلمة ولا جوج را الحجرة ديجا معضوضة و المساحة محدودة داكشي لاش طحنا فالروج شدوني عليهم لا ندير سكونضال أ ما ما... وا شدوني عليهم لا ندير سكونضال أ ما ما
5.	Fi Intidhar Sandwich 05:32	lyrics	buy track
صاڤا حبّي كلشي مزيان ستّة فخبيز و بلا لاصوص آري نشدّ ليك الرّابوز شكّارة لّا ديري جوج نصاص ا هانيا غا طلقينا و كان ݣهماتني انا ريحة الكافور باز، باز عليك كي كان تا كاسكروطاتك بْنان؟ أودّي المشكور مݣعور أودّي جوع و غايدوز جايّة ايّام ݣرݣاع و لوز كون بغات تجي كون جات زمان لهلا تجي وا تجيها فالرّاس باراكا من الزّفط ا خدّوج غا كانبسط سربيني را زربان الجوع داوي تغديت بفطور و كانلوّك ف شوينݣوم من الجّوج واك، واك أ كرشي ما داز عليك و باقي يدوز ݣالو للصبر حدود الكرّوسة و صابرة للمرود جري ݣوليها لمّي كلثوم و كثّري الحار ياك الحار فابور فابور ليك أمّا انا مقيوم عليّا حقّي فلاصوص بغيتو حار آلور المصارن يخلّصو الخطيّة آهاه ها هي لالّة خدّوج اهي فيناهي؟ ها هي! لالّة خدّوج مولات الكاسكروط التّالي فالمارشي مزعوط الشّاعلة المجامر الطيّاب فوق الفاخر المسانسة بالدخان الموانسة للكليان مولات الحوت فريش را الݣاشوش هشيش ماطيشة، زيتون الصلصة فالبيدون آري بصيلة نݣرّض نبكي و ݣالس مقرّد في انتظار السّندويش كراسى ݣلالس د الحمّام كي فلالس درهم كُولور ماعقلتيش فالسّانكيام صطّوف طلق سبعة فالكور بْراڤا ذاكرتك ݣرطيطة نسيت فمرّة انا هاد الدّيكور هاك، هاك و قطعي المونادا و آش كاتسالي من الخميس صطّوف حلّوف فالبوليس خدّوج واقفة على كريريص محسوبك مغنّي شومور و كثّري الحار ياك الحار فابور فابور ليك أمّا انا مقيوم عليّا حقّي فلاصوص بغيتو حار آلور المصارن يخلّصو الخطيّة ياك مصارني هادو بغيتهم يشعلو نيران ياك مصارني هادو نوكّلهم انا تا الجّران ياك مصارني ندابزهوم و نرجع يانا اللّور نفصّلهوم على ذوقي نطرز سفيفة و عْقاد يا راس الطرومبيّة نفتلهوم قيطان نهديهوم للبّامبيّة ياك يحتاجو تيو طويل نهديهوم لشي حرّاݣ يقطع البحر فينومبيل نهديهوم ليا انا نّيت نركّبهوم كوردات لسنتير نساويه و نغنّي "الجوع كافر" د زياد ياك مصارني هادو نقجّ بيهم السلطان نديرهوم مشويطة و نشحط 1666 عبّاد نلويهم على جوج عواد و هانا عندي جبّاد ندير فيه غا حجرة نصيّد جوج طيور نعتبرهُمَا سردين غا مليحة و فالفرّان نشبع ديجا و مانجيش عندك توكور و دابا زيدي الحرور مولات الكاسكروط التّالي فالمارشي مزعوط الشّاعلة المجامر الطيّاب فوق الفاخر المسانسة بالدخان الموانسة للكليان مولات الحوت فريش را الݣاشوش هشيش ماطيشة، زيتون الصلصة فالبيدون آري بصيلة نݣرّض نبكي و ݣالس مقرّد في انتظار السّندويش
6.	Doar Al Alam Attaleth 03:16	lyrics	buy track
تحية لدوار العالم الثالث و تحية للخوف للي بقى مزروع و تحية للحب للي بقا ممنوع و تحية للزين للي بغا يساوي و تحية للخوخ للي بغا يداوي و ݣولو، ݣولو، ݣولو ݣولو ياو مال الحݣرة و ديما منورة؟ و مال الزرواطة و ݣاع ما مشورة؟ مال الݣاميلة ماشي مهورة؟ شكرا للكرة حيت باقا مدورة! و مالها مالت؟ مالها مالت؟ مالها مالت؟ مالها مالت؟ مالها مالت؟ تحية لدوار العالم الثالث! هوتس هوتس هوتس هو هوتس هي واواواواو ها للاواه تحية لألوان طباسل الطاووس و تحية لجافيل للي ما فيه روح و تحية للجيل للي جاي مجروح و تحية للمرقة للي بايتة و تحية لقهرة ݣاع ما فايتة و ݣولو، ݣولو، ݣولو ݣولو ياو مال الحݣرة و ديما منورة؟ و مال الزرواطة و ݣاع ما مشورة؟ مال الݣاميلة ماشي مهورة؟ شكرا للكرة حيت باقا مدورة! و مالها مالت؟ مالها مالت؟ مالها مالت؟ مالها مالت؟ مالها مالت؟ تحية لدوار العالم الثالث! هوتس هوتس هوتس هو هوتس هي واواواواو ها للاواه خالقين الرواج و النشاط سايب غازين الجاج شاربين الما طايب و واخا الفقر سايل، و القلب رايب و صوتنا دايب ايلا عمت هانت را الترعة بانت و تحية لدوار العالم الثالث
7.	Hna El Caramel 03:51	lyrics	buy track
يقتلك عادي عنداك ظهرك الزمان احمق و ماشي عاد بادي و نتي و انا كي شي صيبانة و الزمان قد نتي و انا بدل الزمان بالمخزن هي هي ولا بشي جماعة اسلامية الدم مهدور و السعي مشكور طبعا تعيش محݣور ولا تموت طاعة و سمعا أهلا أهلا بݣاع للي نساوهم حنا المساخيط حنا المواويل حنا المعاتيه حنا الكراميل حنا للي بعنا العمر و شرينا الليل كرفنا الشمش لأول متفائل و شعلنا پيل يونو آ يونو ماشي بيديك زهرك البحر ازرق واخا ماشي لونو و نتي و انا كي شي لبانة الموري جيعان و الناس جيعانة بدل انا ب نتا هي هي كي الدار البيضاء كي العطّاوية كلشي مجرور و الفاعل مرفوع قطعا تموت محݣور ولا تعيش طاعة و سمعا أهلا أهلا بݣاع للي نساوهم حنا المساخيط حنا المواويل حنا المعاتيه حنا الكراميل حنا للي بعنا العمر و شرينا الليل كرفنا الشمش لأول متفائل و شعلنا پيل وا الخوت آ الخوت الموت الموت ماشي بسكوت الݣلب وا الخوت آ الخوت و فات الفوت ماشي بلا ما نعݣب واخا عاد بادي
8.	Ajmal Balad Fi Al Alam 06:18	lyrics	buy track
كاين بزاف أشكال ياك البشر أنواع.. ياك؟ مال هادو كوپيات بوپيات؟! كي الأولياء كي الأتباع كاين بزاف ألوان ياك البشر حݣار.. ياك؟ حيت هاد الكوپيات البوپيات كي يكونوا كثار يدعقو للي ماشي كثار ݣالو الشّبه منّو ربعين صدق منّو ربعين مليون و زيد كي للي هنا كي للي بعيد آه يا ولاد التيت لعلمك تقليد مُفرد تقاليد تقاليع و مليفتية التجاعيد سنوات قاليينها فنفس الزيت و نتا مشهي الفريت قاليها فنفس الزيت و نتا نيت مشهي الفريت آ العفريت واهيا وهيا وهيا و خزيت خزيت سبع سلامات فسلام سبع لݣامي فظلام من سبع خضاري فطعام طلعتي سمّومة أوا حسبناك وريدة وحيدة فريدة فالجريدة طلعتي عرّام كاين شلّا أرقام ياك من البشر بزاف.. ياك؟ مال هادو كوپيات بوپيات؟! كلشي فقيه كلشي نݣاف كاين بزاف أثقال ياك البشر حمار..ياك؟ حيت هاد الكوپيات البوپيات كثار ݣالو الشبه منو ربعين صدق منو ربعين مليون و زيد كي للي هنا كي للي بعيد آه يا ولاد التيت لعلمك تقليد مفرد تقاليد تقاليع و مليفتية التجاعيد سنوات قاليينها فنفس الزيت و نتا مشهي الفريت قاليها فنفس الزيت و نتا نيت مشهي الفريت آ العفريت واهيا وهيا وهيا و خزيت خزيت سبع سلامات فسلام سبع لݣامي فظلام من سبع خضاري فطعام طلعتي سمّومة أوا حسبناك وريدة وحيدة فريدة فالجريدة طلعتي عرّام آوا طلعتي عرّام اختار بلا ما تحتار ياك البشر حمار؟ بلا استحمار الاحترام تعظيم سلام للنّظام للمْعلّم للإمام للدرهم للمقدم لطيابات الحمّام للتّخزاز للالتزام للزوايا للانفصام للمخزن للانضمام لخطوة اللور خطوة القدام لشواري دبّان للوليدات للمدام للحْكام للّيدام لتيميجّا للشّبّة للعين للتزمام لحسن محسن و حسام و لماريا للي باقي ما جات للرواپا و المسلسلات و للإعلام للشكام للزرّام للشمشام للحجّام للجمعة و للصيام لكمال الأجسام للطرام للزحام لعبّار صدام للݣلاس فالدار لعطار برݣام لثقافة د العبار لثقافة بالݣرام لثقافة د الكليك ل لّلي بغا يربّيك للي ناعس غطّيه لكبار و صغار لمحݣور حݣار لݣطار نوّار للحب سّيك للفهامة للي فيك للنبّارة الطنّازة الحرّاشة الطلّاعة العصّارة للݣجام بالّلجام للحلال للحرام لأجمل بلد فالعالم
9.	Saifan 03:05	lyrics	buy track
صيفا غانمشي للبحر و نشوف الناس تتشلبخ فالما و الخوف د مّو عليه و هو فالكشكوشة و حوايجها مرشوشة و دراري تلعب الكورة بكرة د الڤولي مفشوشة صيفا غا نلعب الراكيط فالشمش واخا ماكرهتش نلعب الراكيط بالشمش واخا مايمكنش و مايمكنش نطيّح الكرش و عليّا خيطي بيطي زيطي مول بيني سنيدة سكيمو باردة مُبرِّدة كوجاك بيباس حلويات مأكولة لذيذة بيني سنيدة سكيمو باردة مُبرِّدة كوجاك پيپّاس حلويات سيڤيانا فخبزة عنيدة و نرجع واقف فالطوبيس وسط زحام شابط فحديدة و من شورطي الباقي-فازݣ البئيس يتّخْون تيليفوني بالقاعدة و من حلمي بتدويشة سعيدة و شي كاسكروط فوق الميدة غاندخل للدار... تعيس. صيفا صيفا صيفا صيفا غانمشي للبحر

credits

released January 30, 2021

Written, Composed, Played, Sung and Recorded by CHEB

license

about

CHEB Morocco

...

YouTube

contact / help

Contact CHEB

Streaming and
Download help

Redeem code

Report this album or account

If you like CHEB, you may also like:

At Pioneer Works
by Les Filles de Illighadad

supported by 8 fans who also own “Sma' Balak”

I love these women. the voices mesh together perfectly; also the world music is exceptional. I have all of their albums and they're all excellent. Give them a listen. Steve Lake
go to album
Dur Dur of Somalia - Volume 1, Volume 2 & Previously Unreleased Tracks (Analog Africa Nr. 27)
by Analog Africa

supported by 7 fans who also own “Sma' Balak”

It has such a a unique sound. atezak
go to album
UNTITLED (Black Is)
by SAULT

supported by 7 fans who also own “Sma' Balak”

this feels important twigs
go to album
Orile to Berlin
by RAH & The Ruffcats

featured on Bandcamp Radio Apr 16, 2024
go to album
Prajñāghoṣa - Flow of Adhiṣṭhāna
by Prajñāghoṣa

featured on Bandcamp Radio Apr 16, 2024
go to album
RoadWorks Pt 4
by Trim

featured on Bandcamp Radio Apr 9, 2024
go to album
Black Focus
by Yussef Kamaal

supported by 7 fans who also own “Sma' Balak”

I feel now like I have 10 arms and 10 legs. Powerful and energetic. Griffyn Louis Denizard
go to album